سڵق وەك یەكێك لە خواردنە رووەكییەكان، كە لە ئامادەكردنی زۆرێك لە خواردن و چێشتەكانی كۆمەڵگەی كوردیشدا بەكار دەهێنرێت، بە هۆی پێكهاتە دەوڵەمەندەكەیەوە كۆمەڵێك سوودی گرنگ لە خۆ دەگرێت، كە ئەمانەی خوارەوە بەشێكی ئەو سوودانەی سڵقن:
یەكەم- سڵق یارمەتیدەرە بۆ ئاسانكردنی پرۆسەی هەرسكردنی خواردن و یارمەتی ئارامكردنەوەی ریخۆڵەكان دەدات.
دووەم- خواردنی سڵق بەسوودە بۆ ئەو كەسانەی بە دەست كێشەی كەمیی ئاسن لە خوێنیاندا دەناڵێنن و رەنگە ببێتە هۆی قەرەبووكردنەوەی رێژەی ئەو ئاسنە لە خوێنیاندا.
سێیەم- خواردنی سڵق بەسوودە بۆ نەخۆشییەكانی گورچیلە و كۆئەندامی میز، بە تایبەت بۆ ئەو كەسانەی كە قومی گورچیلەیان هەیە.
چوارەم- خواردنی سڵق بەسوودە بۆ ئەو كەسانەی كە بە دەست كێشە و نەخۆشییەكانی قەبزی و مایەسیرییەوە دەناڵێنن.
پێنجەم- خواردنی سڵق گرنگە بۆ ئەو كەسانەی كێشەی كەمخوێنییان هەیە و دەبێتە یارمەتیدەریان، ئەمەش بە هۆی ئەوەی كە بڕی پێویستی لە ڤیتامین كۆمپلێكس تێدایە، كە ئەو ڤیتامینە یاریدەدەرە بۆ راگرتنی هاوسەنگی خوێن.
سهرچاوه
wishe.net
0 comments:
إرسال تعليق